أنا والليل والغربه نصــارع عالم الحرمان

أنا والليل والغربه نصــارع عالم الحرمان
نســـامر طيفك العابر .وندعي الله يجمعنا


نحاول بالعبث نسلى. يذكرنا بك السلـوان
نهيـم وتنزل الدمـعه. تصـر تكون رابعـنا


تعال اضمك لصدري وتسمع قلبي الولهان
يقول أغــرب حكاياتٍ أظن مرت مسامعنا


يقول انك اعــز الناس يقول بصدق يا فتان
ويحاول يخفي البـاقي يخاف إنسـان يسمعنا


تعال وإسمع بنفسك وخاطب قلبي الحيران
ومع قلـبك ابتــكلم أبـد ماشـي يمنــــــــعنا