كل ماجيت أسالك عن سر دمعاتك بكيت
ماقدرت أشوف عينك بالمدامع تختنق!
لا تجاملني وتضحك ..واضحة لوما حكيت
لا تصور لي حكاية من فراغ وتختلق
كل ما فيك يتكلم حتى في صمتك لقيت
أن سهم البعد نافذ وابتدينا نفترق!
ويش أقول لدمع عينك والقصور اللي بنيت؟
وكيف أصبر قلبي اللي بين أيديك ويحترق ؟
أدري انه غصب عنك وأدري انك ما نويت
وأدري انه في زمنا حتى (حلمك) ينسرق !!
بس لا تبكي طلبتك وسوي نفسك ما دريت
والا انا حظي وأعرفه .. مع زماني متفق
لا بغيت أفرح ثواني قلت .. ليت وليت ليت
ليتني ..؟ وباقي كلامي وسط صدري يختنق
أمسح دموعك فديتك وأبتسم لامن طريت وجيت في بالك وقل لي ((كان لازم نفترق))