حبيبي كافي من البعد ومن اللعب بالأعصاب
......ترى ماعادلي قدره ترى مافي يكفيني
علامك كل ماحاولت أجيك تقفل الأبواب؟
.......وأنا اللي كنت أقول انك مثل ماأغليك تغليني
أنالأجل أكسبك ياصاحبي ضحيت بالأصحاب
......وبعت اللي وراي ودوني وجيتلك بيديني
أناديلك متى ترجع ونفتح للمحبه باب؟
......متى قلبك يحن ومثل أنا ماأعطيك تعطيني؟
ترى مليت من طرد السراب وغيبة الأحباب
......ومن كل الدروب اللي على الفرقا توديني
أنا من كثر ماشلت الحزن والهم راسي شاب
.......وصار الحزن صاحب درب وأصدق من يواسيني
حبيبي خاف ربك عاد واحسب للغرام حساب
.......أنامازلت أناديلك وتارك من يناديني
مدام انك كسبت الحب والتقدير والإعجاب
........وصرت أنت الوحيد اللي من الجنسين يعنيني
دخيلك عاد لاتقعد تدور للغياب أسباب
........ولاتحاول بسيف الهجر تقتل فرحة سنيني
طلبتك مدلي كف الوصل كافي جفا وغياب
.........جد بوصلك ولاتبخل علي ولاتخليني
تعال ووضح الصوره ولاتخشى ولاترتاب
........تعال أصدق معي بالحب واذكرني ياناسيني
وبلاش من التغلي والجفا واللعب بالأعصاب
........حرام البعد ينهيك وحرام البعد ينهيني
~~~~~~~~~~~~~~~~~~~~
