السبانخ بالبيض

النهارده بنقدم لك طريقة عمل السبانخ بالبيض، وهي أكلة شهية وكمان مليانة بالفوائد لجسمك وصحتك لأنها غنية جدا بالعناصر الغذائية المهمة..

السبانخ بالبيض

المقادير:
5 بيضات
½ كيلو سبانخ
½ كوب لبن
2 ملعقة كبيرة سمنة
ثمرة بصل مفرومة
كوب عصير طماطم
4 ملعقة بقدونس مفروم
½ كوب لحمة مفرومة معصّجة
ملعقة كبيرة جبنة رومي مبشورة
ملح وفلفل

الطريقة:
1- اغسلي السبانخ، واسلقيها مع ملح لمدة 5 دقايق، واشطفيها بمية باردة، وبعد كده افرميها في المفرمة.

2- حطي ملعقة سمنة في طاسة، وشوّحي فيها البصل، لحد ما لونه يبقى دهبي، وبعدها ضيفي السبانخ، وشوّحيها دقيقتين، وضيفي اللحمة المفرومة، والبقدونس، وعصير الطماطم، وقلبيهم على النار، وسيبيهم لمدة ربع ساعة على نار متوسطة.

3- حطّي ملعقة السمنة التانية في صينية فرن وادهنيها بيها كويس، وفي طبق غويط اخلطي البيض مع السبانخ المتسبّكة واللبن والجبن الرومي، وضيفي الملح والفلفل، وصبي المزيج في الصينية، ودخليها الفرن على درجة حرارة 190 لمدة تلت ساعة، لحد ما يستوي البيض.. وقدميه مع عيش طازة وسلطة زبادي.. وبالهنا والشفا.

بيض وسبانخ ولبن هاي خليط بييييييه حاسس انها مش لذيذه تقبل مروري هههههههههه شكرا

شكلها جننان

وان شاء الله الطعم يكون زيها

جاري التطبيق