أبا أسري
أبا أسري مساري ساري الليل سرا به مسيره نسـيره والمسيره لها سـيره
يصعب صعيبات الصعايب من أصعا به صعيب الصعوب مصعبه دون تيسيره
أحبه وأحب أحباب حبه مع أحـبابه ومحبوبه يحـبه وفي حبه الخــيره
شديد الشـدايد فالمشـاديد يشدا به يشـد الشـديد وشـدته بعض تجبيره
شكى الشاكي اللي كل شكاي يشكى شكى ماشكى من شكـوته شك تعبيره
على شان شانه شان شاني ونشقى به لشانه نشـن الحـرب ونحرر الـديره
رشا والرشا رشه برشه ورشـا به يرش الرشاش برشـته وأرتفع طـيره
زهى زهره الزاهي وذا الزهر يزها به زهت به زهور الريف وأزهت نواويره
أمـل يأمل مامـول محـد تهقـوا به ومامـول ابن راشـد بعيده مصاديره
من الشرق يشرق كوكب الشرق مشهابه ويشرق به المشـرق ويخفي غناديره
من النور نوره وأنورت ديرة أقرابه بنـوره ينـور ظلمة الكـون وينيره
وبعقابها عقب عقـابه وبعـقا به عـقايب عقـايبها عقـوبه وتصـبيره
ومن يطلب المطلوب ماخاب طلابه يطالـب بمطلـوبه مقـدر مقـاديره
وبحره بحر من بحر بحره بحرنا به ونبحر بحوره والبواخـر مذاخـيره
قرينا قراية قاري اكتاب يقـرا به يقـرر به القاري ويكـتب تقـاريره
رمز رمزه اللي ما حد غيرنا جابه ولو حاولوا مليون شاعر بتصـويره
وانا في رجا من وثق العهد لصحابه بكفه حبال الجـود والفضل والغيره
واحيي تحيه حي والشعر يحيى به لـفارس على الشعار مطول مشاويره
