لاشفت ناسٍ باللقاء يمدحونك
أعرف ترى هرج القفا مايسليك..!
من يمدحك قدام عينك يخونك
ومن يمدحك بقفاك بالقلب شاريك..!!
أحرص على اللي ضاق صدره بدونك..
وأترك صديقٍ بالسعة دوم باغيك..!!
بعض الصداقة للمصالح يبونك..
وأليا خذا المطلوب ماعاد يبغيك..!!
عليك في ربع السعد ينفعونك
لو واحدٍ منهم عن الناس يغنيك..!!
لاصحت ضايق! رددوا لك ياعونك..
ولاغبت عنهم أرسلوا من يناديك..!!
يرتاح لاشاف الفرح في عيونك..
ويضيق لاشاف , في حكاويك..!!
أحدٍ على سر الصداقة يصونك..
وأحدٍ على سر الصداقة حكى فيك..!!
ربع الرخا لاضقت صعبة يجونك..
وربع الشدايد واحدٍ بس يكفيك..!
