نكت حتى الإشبااااااااااااااع

محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن.. گيمر..؟

· محشش رجع للبيت متأخر ..مرته فتحتله الباب.. ضربها وگاللها وين ليهسه متأخره بت النعال؟

· محشش يسوق تكسي .. أشّرتله بنيه ..وگف گال : وين تروحين؟ گالت: للشورجه گاللها: اوكي بس لتتأخرين.

· محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: طيب وإنته؟

· حشاش ضرب صديقه راشدي فگال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.

· طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.

· حشاش يحچي ويّه روحه:مدري مواعد وحده الساعه ثنين؟.. مدري مواعد ثنين الساعه وحده؟

· حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟

· حشاش مثقف گال لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..فرد عليه الأول: من أنت؟

· حشاش سأل أبو المخضر:عندك فاصوليه خضره؟ گال :لا والله خلصت گال.لعد شضل عندك يالون؟

· قزم راد ينتحر چيّت من الرصيف.

· قزم عطس ..طخ راسه بالگاع ومات.

· قروي بنه بيت مدوّر وگال لمرته:هم گولي بعد حابسني بين أربع حيطان؟

· ثنين دليم يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال:وأني سممتلك الهوايش كلهن.

· محشش راح للمطار يستقبل أبوه باس الجنطه وشال أبوه.

· محشش عوّز ..دز إبنه يجيب عوازه..أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه براس الشارع.

· محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟

· متدين في قمّة الأدب يدگ باب الثلاجه قبل لايفتحها.

· مات المتدين هذا.. فبالجنه حصل بيتين گام باع واحد وأجر واحد وسكن عد گرايبه بالنار.

· عجوز هجموا عليهه حراميه راحت تدليهم على مكان الذهب والمجوهرات وهيه فرحانه فلما باگوا كل شئ ورادوا يطلعون گالتلهم: وين ..؟ شنو ماكو إغتصاب؟؟

· محشش يسوق سياره ..وگفه شرطي المرور گال له إجازتك؟..گال أي حشيش هذا اللي تحچي عنّه.

· واحد راح يسرق بيت وحده سمينه حيل ..مسكته وگعدت عليه وگالت لابنها: يمه محمود خابرلنا الشرطه..الحرامي من يمه گام يصيح:عفيه بسرعه يا محموووووووود.

· ابو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال.

· صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!!

· صرصر بالأنعاش شاف صرصر لاخ جايبيه عالسديه گال له: ها أخي .. هم شحاطه؟..گال. لا والله بف باف.

· دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.

· دجاجه إنتحرت وكتبت على ورقه:خلّي( ماجي) ينفعكم..!!

· طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.

· زمال راد يغازل صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال!!

· هايشه وگفت گدام المرايه وگالت:والله حرام كل هذا الجمال وياخذه ثور.

· حيّه تبچي ..گالولها :ليش؟؟ گالت خمس سنوات إمخيله عله عربيد وبالأخير طلع صونده.

· واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.

· واحد يشتغل بالستلايتات..طلع أبنه من الأوائل گال : لا مع الأسف راح يشفروه مثل الـ(أي أر تي)..

· قروي گال لمرته الحضريه شناكل اليوم گالت: مسويه رجيم گال اي والله ماضايگهه.

· قروي يم صاحبته دگ عليه الموبايل ..طلعت مرته.. گال عجيب شمدريهه أني هنا؟

· قروي گال لأبنه إذا نجحت هالسنه أشتريلك رولز رايز وإذا زمال مثل كل سنه أخليك عالبي أم 2000 مثل الكلب.

· قروي راح يحج شاف الناس تشمر حجار گال: أيّباااااااه.......لهنا وصلت إسرائيل؟

· قروي گال لصاحبي :بالله شوف ألاشاره مال السياره تشتغل؟ فگال له صاحبه:إي..لا..إي..لا..إي..لا.............

· قشمر دعم أثنين بسيارته واحد مات والثاني متكسر.. گام المتكسر يصيح.. گال له القشمر شبيك تصيّح أشو هذاك مات وكلشي ما گال.

· كراد ثنين مساجين خططوا يقتلون الحارس ويهربون راحوا شافو الحارس ماموجود رجعوا گالوا: خربت الخطه

· حفره بسليمانيه كل اللي يوگع بيهه ينكسر..الملاّ گال أحفروا السليمانيه كلها بمستوى الحفره وخلصونا.

· قشمر بالحرس الوطني گالوله: من تشوف الملاّ.. تضرب واحد وعشرين طلقه..گال: وإذا صوبته بأول وحده...أكمّل الباقي؟

· قشمر عنيد.. صاحبه دگ عليه الباب گال:منو؟ گال:أنا..گال :لا مو أنته.

· قشمر يصبغ السقف بالبويه گالت له أمه:يمه خلي جريده جوه رجليك.. گال لا ماما ميحتاج... أنوش .

· قشمر گالوله الحگ مرتك تخونك بالبستان ويه صديقك..راح ركض ورجع وره شويه گال:مناعيل الأهل هنّه شجرتين.. سووهه بستان..وچماله الولد طلع لا صديقي ولا أعرفه.

· قشمر گالو له شفنا واحد راكب ويه مرتك بالسياره ومرتك تسوق بسرعه طايره .گال لاتخافون عليهه ..شاطره بالسياقه.

· قشمر كتب لافته على باب محله: يوجد لدينا ثلج بارد جداً.

· بعد فتره من نجاح الاعلان كتب:ملاحظه.. المحل يفتح ليلاً ونهاراً فقط.

· قشمر گالوله شنو رايك إذا نوال الزغبي طلبت منك تنام وياهه؟ گال والله إذا مو كلش نعسان ما أگدر.

· قشمر يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.

· قشمر خابرته صاحبته گالتله: تعال اليوم البيت فارغ.. ماكو أحد ببيتنا..طار من الفرح..راح لبيتها ركض..بالباب وگف گال :لعد شكو جاي أني إذا البيت فارغ وماكو أحد؟

· قشمر سألوه شتسوي اذا ردت تصيد أرنب ؟ گال: أقلد صوت جزر.

· قشمر راد يبدل الگلوب ركب على چتف مرته وگاللها يلله افتري.

· قشمر طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.

· قشمر يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..القشمر غمزله وعض له شفـّه.

· قشمر سكن بالرمادي گال له جاره: عود فنجان الگهوه مالتك يمي گال القشمر: أي والله يمكن واحد من الجهال شمره عليكم.

· قشمر گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه.

· قشمر شاف گشر موز بالشارع گال:أوهوووو..شلون شغله ؟ هم راح نزلگ!!

· قشمر وگع من جبل...صاح.إلحگوليييييييي..چيتوا الاكراد كلهم وراه.

· سبعه أكراد سووا عصابه سموهه:(سي قهره ماني كان)أي الأبطال الثلاثه.

· قروي سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك.

· قروي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.

· قروي كمشله مصري يريد يبسطه.. گال المصري(سبني ياوله) گال له القروي(والله لانعل أبوك لابو الخلـّفك).

· قروي گال له أبوه روح إغسل وجهك راح يجونه خطار..گال وبلكي ما إجوا؟

· قروي حب يتغزل بمرته بالفراش گال لها:شايفه هذاك الگمر؟؟ گالت:إي.. گال :ريحة أباطاتچ واصله لهناك.

· واحد لاخ هم گال لمرته شايفه الگمر ذاك؟ گالت نعم.. گال إببوكس واحد أوصلچ يَمّه.

· قروي أتصل بالأطفاء گاللهم:شنو إذا ماكو حريق منشوفكم يعني؟؟

· طالب قروي سأله المعلم:من هو النبي الذي كان يكلم الحيوانات؟؟ گال:سيدنا طرزان عليه السلام.

· قشمره گالولها: الموضه هالسنه جلد طبيعي..طلعت للسوق مصلخه.

· قروي راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟

· قروي وقشمر يتمشون بالمزرعه..القروي سأله:جاي تشوف هاذا ابو الزعر(نوع من الطيور) فوق الشجره؟.. القشمر گال متعجب:ليش شنو معنى كلمة شجره؟

· قروي سألوه: ششفت ببغداد؟ گال السفن أب..گالوا شنو يعني ؟ گال بطل تفتحه لو تلحگ تشرب منّه لو لا.

· قروي شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟

· قروي شاف نافورات هواي ببغداد گال : حيل..!! شكثر بيهه بوريات طاگه.

· قروي شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟

· قروي سوّه معمل خل بالرمادي طلع كسر لإن طلعت إشاعه عليه أن الخل مالته مو تازه.

· قروي تعين بالأمن السري مال الكعبه شاف واحد يطوف گاله :شعندك تفتر هنا؟

· قروي عرس سكتاوي حط كاسيت فارغ بالمسجل.

· واحد من المدعوين عجبه الشريط طلب منه نسخه مسجله.

· جيرانهم دگ الباب حيل منزعج گاللهم :يأ أخوان نريد اننام متنصون الصوت مال المسجل شويه.

· قروي راح للسليمانيه طب بالمطعم طلب تكّه بدون ملح وبدون شحم..گال له القشمر والله كاكا ماكوعدنه شحم أسويلكياهه بس بدون ملح؟

· قروي أشتره علچ أبو السهم ..صار الليل وهوه يعلچ..گالوله نام..گال: بالحرام.. ما أنام إلا أخلصه.

· قروي طگّت أموره بالتجاره جاب خدامه..ثاني يوم تعاركت مرته ويه الخدامه..گام عزل كل وحده ببيت.

· قروي واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟

· قروي يطوف بالكعبه سمع الاذان سأل اللي يمّه گاله: بروح أبوك ماكو جامع قريب هنا؟

· قروي گال لجماعته: والله الخدمات بالسعوديه للحجاج حيل محترمه وأنصحكم من تريدون تحجّون لا تروحون غير للسعوديه.

· دليم ثنين يتناقشون الاول گال انا من اشرب الگهوه ما اگدر انام الثاني گال انا بالعكس من انام ما اگدر اشرب الگهوه.

· قروي اشتره لابنه حاسبه شال الصفر منهه گال حتى لتسجل عليّه مكالمات دوليه.

· فيترجي اشتره چربايه ...نام جواهه وصاح على مرته: ناوشيني سبانه تلثطعش.

· قروي گال لابوه: بابا خل نروح لحديقة الحيوانات ابوه گال له: لاتستعجل ابني فد جم يوم همه يجون ياخذونه.

· قروي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.

^_^ مشكوووور أخوي على النكت الحلوة ^^
وااايد رهيبة